நன்றி : https://www.facebook.com/100001290865462/posts/1808634649189546/?d=n

கலைஞரின் உடல்நிலை குறித்து வழக்கம் போல நேற்றும் பல வதந்திகள். சங்கி மங்கிகள் போலி தமிழ் தேசியவாதிகளின் சந்தோசமான பதிவுகள். இதில் கலைஞரை எதிரியாக துரோகியாக சித்தரித்து சில இஸ்லாமிய இளைஞர்களின் பதிவுகள்.
இஸ்லாமிய இயக்கங்கள் மற்றும் அரசியல் கட்சிகள் தேர்தல் காலங்களில் திமுக ஆதரவு நிலை எடுக்கும்போது திமுகவை இஸ்லாமியர்களின் பாதுகாவலனாக சித்தரிக்கும், எதிர் கூட்டணியில் இருக்கும் போது ” கலைஞர் சட்டமன்றத்திலேயே இஸ்லாமியர்களை தீவிரவாதிகள்னு சொன்னதாகவும் 1997 ல் நிகழ்ந்த கோவை படுகொலையை குறிப்பிட்டு கருணாநிதி அவர்கள் முஸ்லிம் சமுதாயத்திற்கு துரோகம் இழைத்து விட்டதாகவும் குண்டுவெடிப்பை தொடர்ந்து ஒவ்வொரு முஸ்லிம் வீடுகளிலும் சோதனை நடத்தியதாகவும் பாஜக வுடன் கூட்டணி அமைத்ததையும் கூறி குற்றம்சாட்டுவது வாடிக்கை .
இதை அடிப்படையாக கொண்டதுதான் அந்த இளைஞர்களின் திமுக எதிர்ப்பு ..
இந்த குற்றச்சாட்டுக்கள் உண்மையா என்பதை அந்தக்கால அரசியல் சமூக சூழலுடன் பார்த்து, எங்கு தவறு நடந்தது என்பதையும் சுயபரிசோதனை செய்து இளையதலைமுறைக்கு வெளிப்படையாக தெரியப்படுத்தும்போது, அடுத்த தலைமுறையாவது எமது தவறுகளில் இருந்து பாடம் கற்று, , தம்முடைய நடவடிக்கைகளால் தமது சமுதாயம் மேற்கொண்டு பாதிக்காமல் பார்த்துக் கொள்ளும் .இதுதான் சரியான வழியென்று நான் நினைக்கிறேன். . இதைவிட்டுவிட்டு பொறுப்பை தட்டிக்கழித்து தவறுகளை அடுத்தவன் மீது சுமத்துவது சமுதாயத்தை வைத்து பிழைக்கும் அயோக்கியனின் வேலை.
உண்மையில் கலைஞர் இஸ்லாமியர்களுக்கு துரோகம் செய்தாரா அல்லது சில இஸ்லாமியர்கள் கலைஞருக்கு துரோகம் செய்தார்களா ? காவிப் பண்டாரங்களை தமிழகத்தில் கால்பதிக்க விடமாட்டேன் என்று பாஜக வை கடுமையாக எதிர்த்து வந்த கலைஞரை பாஜக வுடன் கூட்டணி அமைக்கும் அளவுக்கு அவரை தள்ளியது யார் ?
திமுக ஆட்சிக்கு வந்தபோது இருந்த சூழ்நிலைய பார்ப்போம்.—
1989 இல் ஆட்சிக்கு வந்த திமுக, சென்னையில் வைத்து விடுதலைப்புலிகள் பத்மநாபா உள்ளிட்ட சுமார் 9 பேர்களை சுட்டுக் கொன்றதை அடுத்து விடுதலைப்புலிகளை காரணம் காட்டி அன்றைய ஆளும் சந்திரசேகர் அரசு திமுக ஆட்சியை வெறும் ஒன்றரை ஆண்டுகளிலேயே கலைத்தது .
இதைத்தொடர்ந்து, 1991 இல் நடந்த சட்டமன்ற தேர்தல் பிரசாரத்தின்போது, விடுதலைப்புலிகளால் ராஜீவ் காந்தி கொல்லப்பட்டார். திமுக தான் இந்த கொலையை செய்ததாக தமிழகம் முழுதும் போஸ்டர் அடித்து ஒட்டப்பட்டது. அந்த தேர்தலில் அதிமுக காங்கிரஸ் கூட்டணி அமோக வெற்றிபெற, துறைமுகம் சேப்பாக்கம் என இரண்டு இடங்களைத்தவிர மற்றதில் திமுக படுதோல்வியடன்தது…
அன்று அசுர பலத்துடன் ஆட்சியில் இருந்த ஜெயலலிதா மீது பல ஊழல் குற்றச்சாட்டுக்கள் இருந்தாலும், அந்த ஆட்சி முஸ்லிம் சமுதாய விரோதமாகத்தான் இருந்தது. பாபர் மசூதி இடிப்பிற்கு ஆதரவான செங்கல் ஊர்வலம். தேசிய ஒருமைப்பாடு முதலமைச்சர்கள் கூட்டத்தில் கரசேவைக்கு ஜெயலலிதாவின் பகிரங்க ஆதரவு. ராமர்கோவிலுக்கு ஆதரவான கையெழுத்து இயக்கத்தில் அதிமுகவின் 2 எம்பிக்கள் 24 எம்எல்ஏக்கள் கையெழுத்திட்டது போன்ற சங்பரிவார் ஆதரவு ஆட்சியாகவே அன்றைய அதிமுக ஆட்சி இருந்தது. மேலும் 1992 ல் பாபர் மசூதி இடிப்பை தொடர்ந்து கோவை கோட்டைமேடு மற்றும் மேலப்பாளையத்தில் துப்பாக்கிச்சூடு. நடத்தியது. இதில் மேலப்பாளையத்தில் உயிர்பலியும் ஏற்பட்டது.
1993 நவம்பரில் கோவையில் பாஷா பாய் கைது செய்யப்பட்டதை தொடர்ந்து மறுபடியும் கோவை கோட்டைமேடு பகுதிக்குள் போலீசார் புகுந்து வெறியாட்டமாடி முஸ்லிம்களின் சொத்துக்களை சூறையாடியதோடு நூற்றுக்கணக்கான இளைஞர்களை சிறையில் அடைத்தது. கோவை சென்னையில் சுமார் 40 முஸ்லிம் இளைஞர்கள் தடா சட்டத்தில் கைது செய்யப்பட்டார்கள். கோட்டைமேடு பகுதியை சுற்றி ஐந்து இடங்களில் செக்போஸ்ட் அமைத்து முஸ்லிம்களை திறந்தவெளி சிறையில் அடைத்தார்கள்.
இந்த சம்பவத்தை தொடர்ந்துதான் இந்துத்துவா இயக்கங்களுக்கு எதிரான பதிலடி நடவடிக்கைகள் ஆரம்பித்தது. நாகூர் கலவரமும் எஸ்எம் பாக்கர் ஜெஎஸ் ரிபாயி போன்ற தலைவர்கள் வெடிகுண்டு வழக்கு தடா வழக்கில் கைது செய்யப்பட்டார்கள். இதற்கு எதிராக போராடத்தான் 1995 இல் தமுமுக ஆரம்பிக்கப்பட்டது.. முதல் போராட்டமே தடா சட்ட எதிர்ப்பு போராட்டம் தான்…
அன்றைய ஜெயலலிதா ஆட்சியில் முஸ்லிம்களுக்கு எதிராக ஆளும் அதிமுக அரசும் சங்பரிவார் கும்பலும் கூட்டாகத்தான் செயல்பட்ட அரசியல் சமூக சூழலில் தான், 1996 ல் நடந்த தேர்தலில் திமுக அமோக வெற்றி பெற்றது. ஜெயலலிதா கூட வெற்றி பெறவில்லை.
1996 – 2001 வரையிலான இந்த திமுக ஆட்சி காலத்தில் தான், திமுக சட்டமன்றத்திலேயே முஸ்லிம்களை தீவிரவாதிகள் என்று சொன்னதாகவும், முஸ்லிம்களுக்கு துரோகமிழைத்த தாகவும், பாஜக வுடன் கூட்டணி அமைத்ததாகவும் குற்றம்சாட்டுவார்கள்…
இந்த குற்றச்சாட்டுக்கள் குறித்து பேசுவதற்கு முன்னாள், திமுக வின் 1996 மே- 1996 டிசம்பர் 6 வரையிலான முதல் ஆறுமாத கால ஆட்சியில், இஸ்லாமியர்களில் அரசியல் முதிர்ச்சியற்ற ஒரு சிறுகூட்டம் என்ன நடவடிக்கையில் ஈடுபட்டது என்பதை பார்ப்போமா ?
1996 மே மாதம் நடந்த தேர்தலில் வாக்குகள் எண்ணப்பட்டு இரவு திமுக முன்னணியில் உள்ளது என்ற செய்தி வானொலியில் வந்து கொண்டிருந்த போதே கோவை கோட்டைமேடு என்எச் ரோடு முஸ்லிம் பகுதிகளில் அமைக்கப்பட்டிருந்த ஐந்து போலீஸ் செக்போஸ்ட்டுகள் ஒரு கும்பலால் சூறையாடப்பட்டு இரண்டு பொலிசாருக்கு அருவாள் வெட்டு விழுந்தது திமுக வெற்றியை இப்படித்தான் கொண்டாடினார்கள் நம்ம அருமை மக்கள் .
1996 திமுக ஆட்சி தொடங்கிய இரண்டு மாதத்திலேயே சென்னையை மையமாக வைத்து முஸ்லிம்களுக்கு சொந்தமான
30.7.96 அன்று பிராட்வேயில் உள்ள லைட் ஆப் ஆசியா ஹோட்டலில் நபிகள் நாயகத்தின் முடியை வைத்து ஒரு கண்காட்சி நடத்தியதாலும்,
27.9.1996-ல் எக்மோர் இம்பீரியல் ஹோட்டலில் டேன்ஸ் பார் நடத்தி வந்ததாலும்
25.10.1996-ல் மண்ணடி லக்கி ஹோட்டலில் பார் நடத்தியதாலும் இந்த மூன்று இடங்களில் குண்டு வைக்கப்பட்டது. .இந்த குண்டுவெடிப்புகளில் சிலருக்கு காயம் ஏற்பட்டது .
இந்த வழக்குகளில் ஒரு முக்கிய அமைப்பில் அன்றும் இன்றும் நிர்வாகியாக இருக்கும் கொடுங்கையூர் நசூருதீன் என்பவர் கைது செய்யப்பட்டு நீதிமன்றத்தால் தண்டனை வழங்கப்பட்டவர் என்பதை கவனிக்க வேண்டும்.
1996ல் கோவை பெட்ரோல் குண்டு வீசி பூபாலன் கொலை
26.10.1996 அன்று அண்ணன் பத்வா கொடுத்து அனுப்பியவர்களால் நாகூர் ஆலிம் ஜார்ஜ் வீட்டில் கொலை நடந்தது .
அதே 1996 நவம்பரில் உத்தமபாளையத்தில் பீஜே பேசியதற்கு பின்பு ஏற்பட்ட சலசலப்பை தொடர்ந்து ஆறுமுகம் என்பவர் கொலை.
1996 டிச 6 ல் பாபர் மசூதியை மீட்கக்கோரி கவர்னர் மாளிகை முற்றுகையிட்டு தொழுகை போராட்டம் நடத்தப்போவதாக அறிவிக்கப்பட்டது. அடுத்த எந்த வருடமும் இப்படி போராடவில்லை.
இன்று அதே இயக்கமும், அதிலிருந்து பிரிந்து போன இயக்கங்களும் தடையை மீறி தொழுகை நடத்தும் அளவுக்கு அமைப்பு ரீதியாக இன்னும் வலிமையானதாக இருக்கிறது. ஆனால் அதே போன்ற ஒரு போராட்டத்தை இன்று அறிவிப்பார்களா ?
ஆட்சிக்கு வந்த ஆறே மாதத்தில் திமுக அரசுக்கு கடுமையான நெருக்கடி கொடுத்தது யார் ? தமது முதிர்ச்சியற்ற நடவடிக்கைகள் மூலம் திமுக அரசினை பலகீனப்படுத்தியது யார் ? வலுவான திராவிட கட்சிகளின் அரசியல் தான் தமிழக சமூக நீதிக்கும் மதநல்லிணக்கத்துக்கும் பாதுகாப்பானது என்பதை புரிந்து கொள்ளாமல் பொறுப்பற்ற முறையில் அவர்களுக்கு நெருக்கடி கொடுத்தது யார் ?
இதுவரை சொல்லியதெல்லாம் ஆட்சிக்கு வந்த முதல் ஆறு மாதத்தில் நடந்தவை. 97,98 ல் நடந்தது வேற லெவல்..
1997 1998 அந்த சிறுகூட்டம் எத்தகைய நடவடிக்கையில் ஈடுபட்டது ? இதையெல்லாம் தூண்டிவிட்டவர்கள் இன்று எந்த நிலையில் இருக்கிறார்கள் ?